Graphify — Claude Code uchun doimiy xotira 🧠

Claude Code'da har yangi chat ochganingizda loyihani noldan tushuntirasizmi? Graphify buni hal qiladi: barcha qarorlar, xulosalar va muhim ma'lumotlar kompyuteringizdagi lokal bazada saqlanadi, Claude har yangi chatda undan faqat keraklisini oladi. Natija: kam token sarfi, kam takrorlash, Claude eski qarorlaringizni "eslaydi".

Hammasi lokal ishlaydi — indekslash va qidirish 0 token, hech qanday API kalit yoki ro'yxatdan o'tish kerak emas. Ma'lumotlaringiz hech qayerga jo'natilmaydi.

Eslatma: bu loyiha GitHub'dagi mashhur graphify (kod-bazani bilim grafiga aylantiruvchi CLI, Graphify-Labs/graphify) bilan hech qanday aloqasi yo'q — nom bir xil bo'lsa-da, vazifasi butunlay boshqa: bu — Claude Code uchun shaxsiy xotira MCP serveri.

Xususiyatlar

• search_knowledge / save_memory — Claude o'zi vazifa boshida qidiradi, oxirida saqlaydi (qo'lda ham chaqirsa bo'ladi)
• Loyiha bo'yicha izolyatsiya — bir loyihaning xotiralari boshqasiga aralashmaydi (xohlasangiz hammasidan qidirsa bo'ladi)
• Vizual dashboard (/graphify yoki start_dashboard.bat) — uchta ko'rinish:
  • Ro'yxat — barcha xotiralarni ko'rish, qidirish, filtrlash, o'chirish
  • Graf — xotiralar orasidagi semantik o'xshashlik force-directed graf sifatida, loyiha bo'yicha rangli halqa + checkbox filter bilan
  • Modellar — embedding modelini tanlash (lokal/OpenAI/Ollama/maxsus API)
• Token tejash statistikasi — search_knowledge qancha token tejaganining taxminiy hisobi (dashboard'da va /graphify token bilan)

Talablar

• Windows 10/11
• Python 3.10+ — o'rnatishda "Add python.exe to PATH" katagini albatta belgilang
• Claude Code (desktop yoki CLI)

O'rnatish (2 daqiqa)

1. Bu repo'ni klonlang yoki ZIP qilib yuklab oling, doimiy joyga qo'ying (masalan C:\graphify — keyin joyini o'zgartirmang!)
2. install.bat ustiga ikki marta bosing
3. Tugagach Claude Code'ni yopib, qayta oching

Tamom. Tekshirish uchun chatda /mcp yozing — ro'yxatda graphify ko'rinishi kerak.

Qanday ishlaydi

Hech narsa qilishingiz shart emas — Claude o'zi:

• vazifa boshida bazadan eski qarorlarni qidiradi (search_knowledge)
• sessiya oxirida xulosani saqlaydi (save_memory)

Qo'lda ham buyura olasiz:

• "graphify'dan qidir: to'lov moduli qanday qilingan edi"
• "bu qarorni graphify'ga saqla"
• "graphify'dagi eslatmalarni ko'rsat"

/graphify slash-komandasi ham o'rnatiladi:

Komanda	Natija
/graphify	Vizual dashboardni ochadi (http://localhost:5000)
/graphify list	Saqlangan xotiralar ro'yxati
/graphify save <matn>	Matnni xotiraga saqlaydi
/graphify token	Token tejash statistikasi (taxminiy)
/graphify <so'z>	Semantik qidiruv

Xotiralar loyiha bo'yicha avtomatik ajratiladi — bir loyihaning qarorlari boshqasini chalg'itmaydi, lekin kerak bo'lsa hammasidan qidirsa bo'ladi.

Hujjatlarni qo'shish (ixtiyoriy)

.md/.txt hujjatlaringizni bazaga indekslash:

.venv\Scripts\python.exe indexer.py "C:\yo'l\hujjatlar-papkasi" --project LoyihaNomi

Eski loyihani tanishtirish

O'sha loyihada chat ochib, bir marta ayting:

"Loyihani o'rganib chiqib, asosiy arxitektura, texnologiyalar va muhim qarorlarni graphify'ga saqla"

Keyingi barcha chatlar shu tayyor xotiradan boshlanadi.

Embedding modelini almashtirish

Standart — lokal, bepul model (kalit/internet shart emas). Dashboard'ning "Modellar" bo'limida OpenAI/Ollama/maxsus API'ga o'tsa bo'ladi — lekin bazada allaqachon ma'lumot bo'lsa, bu buzuvchi o'zgarish: eski vektorlar yangi model bilan mos kelmaydi. Amalda almashtirish uchun kg_db/ ni bo'shatib, indexer.py bilan qayta indekslash kerak. Batafsil: CUSTOM_MODELS.md.

Maslahatlar

• Sifat > miqdor: hamma narsani emas, qaror va xulosalarni saqlang
• Eskirgan xotiralarni o'chirtirib boring: "mem_xxx ni o'chir"
• Butun xotira kg_db/ papkasida — backup qilsangiz, hech narsa yo'qolmaydi

O'chirish

uninstall.bat ni ishga tushiring — Claude Code'dan uziladi. Keyin papkani qo'lda o'chirsangiz bo'ladi.

Muammolar

Muammo	Yechim
"Python topilmadi"	Python'ni PATH bilan qayta o'rnating
/mcp da graphify yo'q	Claude Code'ni to'liq yopib qayta oching
Birinchi qidiruv sekin	Normal — model birinchi marta yuklanadi
Papkani ko'chirdim, ishlamayapti	install.bat ni yangi joyda qayta ishga tushiring

Litsenziya

MIT — LICENSE fayliga qarang.